نجم الزمالك السابق رغم الفوز: روحنا أفريقيا في التوقيت الغلط.. ولازم نشوف حلول

زين نادي الزمالك عودته من جديد لـ دور 32 في بطولة دوري أبطال أفريقيا بفوز على الجيش الرواندي، أمس الجمعة، بهدف دون رد.

ورغم الفوز إلا أن أسامة نبيه، مدرب الزمالك السابق، يرى بأن هناك احتياجات كبيرة تنقص الفريق، مشيرًا إلى أن الأبيض عاد للبطولة في توقيت غير مناسب.

وقال نبيه عبر برنامج "الكورة مع فايق": "المباراة يمكن تكون جات لنا مكافأة، ظروف السفر ومعتمد جمال بيروح للفريق متأخر، وظروف مباراة الأهلي. دي مكافأة كويسة ومباراة بتحطك على الطريق الصحيح للمجموعات".

وأضاف: "الفترة الجاية فيها صعوبة كبيرة جدًا في دور المجموعات. احنا روحنا أفريقيا في التوقيت الغلط بسبب الفريق والمجموعة اللي موجودة لازم نشوف حلول من دلوقتي".

وأكمل: "كان عندنا زمان رفاهية أنا حضرتها دلوقتي مش عارف موجودة ولا لا، إننا كنا بنسافر بطيارة خاصة بنروح ونرجع في يوم واحد فـ بيوفر علينا، لازم المجموعة اللي موجودة يترتب لها سيناريو مهم جدًا".

وتابع: "خلينا نفرح بس لازم نحط منهج نشتغل عليه، احنا مش هنفرط ف حاجة جينا للمكان ده بعد فترة طويلة اوي ومش عايزين نفرط فيه".