هاجم إبراهيم سعيد، نجم الكرة المصرية السابق، محمد صلاح، قائد منتخب مصر، عقب تعادل الفراعنة أمام مالاوي، في تصفيات أمم أفريقيا.
وسقط منتخب مصر في فخ التعادل أمام مالاوي، ليؤجل حسم تأهله لبطولة أمم أفريقيا للجولتين المقبلتين.
وكتب إبراهيم سعيد عبر حسابه على منصة "إكس": "عندي تحفظات كتير على أداء منتخب مصر أمام مالاوي.. ومش كل الأسماء الكبيرة فوق التقييم!".
تتبقى خطوة.. سيناريوهات تأهل منتخب مصر لأمم أفريقيا بعد التعادل مع مالاوي موعد مباراة مصر القادمة بعد التعادل مع مالاوي في تصفيات أمم أفريقيا «تراجع محتمل».. تصنيف منتخب مصر عالميا بعد مباراة مالاويوأضاف: "بصراحة، الأداء مكنش مقنع، وفيه علامات استفهام كبيرة لازم تتقال من غير مجاملة ولا حسابات".
وتابع: "علي ماهر، عندي تحفظ كبير على قدرته في السيطرة على المجموعة وفرض شخصيته على اللاعبين. الخوف والتردد مش بيبنوا منتخب، ومنتخب مصر محتاج شخصية قيادية تفرض النظام والانضباط، مش مجرد إدارة مباراة".
وزاد: " محمد صلاح ومرموش: الاتنين قدموا أداء أقل بكتير من المنتظر، ومفيش لاعب مهما كان اسمه أو تاريخه أكبر من التغيير. صلاح نجم كبير، لكن النجومية مش حصانة من التقييم".
وأكمل: "مروان عطية ومحمد هاني من أسوأ العناصر في المباراة من وجهة نظري، والأداء كان بعيد عن المستوى اللي المفروض نشوفه من لاعبين في منتخب مصر".
وواصل: " هيثم حسن لاعب عنده إمكانيات واضحة، ومش منطقي يفضل على دكة البدلاء. يستحق فرصة أساسية، لأن اللاعب اللي عنده إضافة لازم يكون موجود في الملعب".
كما انتقد عدم تغيير محمد صلاح خلال المباراة قائلا: "عندي موقف واضح لازم يتقال: محمد صلاح لو مش موفق يتغير عادي جدًا.. زي ما مرموش بيتغير عادي جدًا. مفيش لاعب فوق النقد، ومفيش اسم فوق المنتخب".
وأردف: " النجم الحقيقي هو اللي يثبت نجوميته بأدائه وشخصيته والروح جوه الملعب، مش بتاريخه ولا باسمه فقط".
وشدد: "أنا مش بجامل حد، ومش بخاف أقول رأيي مهما كان اسم اللاعب أو المسؤول. دي شخصيتي من زمان، ودي قناعتي من أيام ما كنت أتشرف بتمثيل منتخب مصر".
واختتم: "منتخب مصر اسم كبير بتاريخه وبطولاته مفيش لاعب أكبر من المنتخب.. ده اللي اتعلمناه من أساطير الكرة المصرية في التدريب، كابتن محمود الجوهري وكابتن حسن شحاتة".
- نجم الزمالك السابق يتحدث عن دور محمد صلاح مع علي ماهر في منتخب مصر
- مباراة مصر ومالاوي اليوم قد تشهد تأهل الفراعنة لنهائيات أمم أفريقيا.. ما هي الحسابات؟
- مكاسب بالجملة للفراعنة بعد اكتساح «مالاوي» بـ«الخمسة»
- «أساء وأخطأ».. المحمدي ينتقد حسام حسن بسبب محمد صلاح
- «معندوش مينتاليتي.. ومشاغب أكتر مني».. إبراهيم سعيد يشن هجومًا ناريًا ضد محمد صلاح





