أحمد موسى: "مافيش بلد في العالم مفهاش حوادث قطارات"

قال الإعلامي أحمد موسى إن الفريق كامل الوزير وزير النقل سوف يذهب إلى مجلس النواب بناءً على طلب لجنة النقل، مردفًا: "الفريق كامل الوزير مش بتاع تكييف، منذ 12 سنة وهو اشتغل على قناة السويس الجديدة، دا راجل بتاع شغل ولا يتوقف عن العمل، ربنا يديه الصحة، وكمان مستهدف من الخونة والإعلام المعادي، الراجل اللي شغال مش عاوزينه يستمر، طيب أنت لو عملت كده هتلاقي حد يشتغل".

وأضاف موسى خلال برنامجه "على مسؤوليتي" عبر قناة "صدى البلد"، أن الوزير عنده مشروعات هائلة وسيكملها سواء في القطارات والمترو والمونوريل ومترو الإسكندرية وموانئ جافة وعلى البحر وعلى النيل، مؤكدًا أنه مكمل ومستمر في عمله.

وتابع: "أديني عرّفتك الناس اللي لا تريد واحد بيشتغل في البلد إلا بيهاجموه.. مفيش واحد في البلد إلا وبيتم مهاجمته.. تركيا فيها حوادث قطارات.. مفيش بلد في العالم مفيهاش حوادث.. دي ناس مجانين كأني مصر اللي فيها حوادث.. الحادثة دي بتاعت العياط بسبب إغلاق جهاز التحكم الآلي.. مين اللي مسؤول عن الجهاز ده؟.. الجهاز ده شغال واللي هيتوقف هيترفض من الشغل".

وأكمل: "السواق الله يرحمه عمل كارثة كبيرة علشان قفل جهاز التحكم الآلي في القطار.. بكرة وزير النقل رايح لجنة النقل في مجلس النواب ومن حق النواب يسألوا ويعرفوا إيه اللي حصل.. الحادث ده كله بسبب خطأ عنصر بشري.. في ناس عاوزة كل مسؤول بيشتغل يضرب.. أصبح المسؤول مادة للإعلام المعادي".

وأشار إلى أن جرار قطار الضواحي عمره 50 سنة والمفروض يتغير، وأنهم ذهبوا إلى ورشة أبو رواش والوزير قال إن هذه الحاجات بدل ما تتكهن وتترمي تجدد ويتعمل صيانة ليها بدل المليارات اللي تترمي، وأن قطار الضواحي درجة ثالثة، وأن مصر كانت تستورد الفلنكات والدولتي تصنعها في البلد.

وشدد موسى على أن مصر كانت تستورد كل حاجة والنهارده بتصنع، قائلًا: "وأقسم بالله العظيم عاوزين يخربوا البلد.. أي حد ناجح في البلد عاوزين يدمروه.. وأقسم بالله عاوزين يدمروا الوطن.. في ناس بتهد والله".

رئيس المحاصيل البقولية لمصراوي: الإنتاج المحلي للفول يغطي 30% من الاستهلاك

ماذا فعل ضياء رشوان عندما أساء حمدي عاشور للصحفيين؟.. رد حاسم من وزير الإعلام

الأرصاد تكشف حالة الطقس اليوم: أجواء حارة نهارًا وأمطار على هذه المناطق