كشف محمد حفظي وطارق العريان، وحلا شيحة، وهشام نزيه العديد من الكواليس لفيلم «السلم والثعبان»، خلال ندوة بمهرجان الجونة السينمائي في دورته السابعة.
وقال طارق العريان، في كلمته: «إحنا قعدنا شهور عشان نعمل الموسيقى التصويرية، لدرجة إني كنت بعقد عند هشام نزيه في البيت بالساعات، وعرفت حياته ووالدته».
هشام نزيه يكشف كواليس فيلم السلم والتعبان
قال هشام نزيه: «الفيلم دا وأنا بفكر في الموسيقى التصويرية بتاعته، كان في حاجات لازم تكون موجود فيها مشاعر وحب، وعملت فيها في الأفلام اللي قبلها والفيلم ساعدني إني أعمل حاجة مختلفة، وطارق العريان كان متحمس جدا، عشان كدا أخدنا وقت طويل، عشان كنت عايز أعرف دماغ طارق العريان فيها إية، وفي جزء كبير منها تانجو، والأغاني أخدت وقت طويل جدا، وعملنا 12 أغنية عشان نختار منها 4 أغاني اللي اتعرضوا».
النسخة الأصلية للفيلم
وقال محمد حفظي: «النسخة الأصلية بتاعت الفيلم مكنش فيها تانجو خالص، وكان حازم بيقابل ياسمين في الجيم، وأنا في الفترة دي كنت معجب بحد وقالتلي أنا عايزة حد يروح معايا دروس تانجو، قولتله وأنا كمان عايز أعمل كدا، فجاتلي الفكرة من كدا وقلت لطارق العريان، واقنتع بها، ودا خلانا نفتح مواضيع كتير في الموضوع، وبعد ما بدأنا نصور مشاهد في الغردقة، قررنا نرجع ونعيد السيناريو والتصوير مرة تانية».
- بطولة السلم للدراجات الهوائية تبحث استعداداتها للنسخة العاشرة
- الشرطة بغزة: فتحنا تحقيقاً في ظروف مقتل المواطن هشام الصفطاوي بمخيم النصيرات
- ترامب يتهم الأمم المتحدة بـ«تخريب خطابه» وتعطيل السلم الكهربائي
- أحمد السقا يكشف سبب اعتذاره عن بطولة فيلم «ولاد رزق»
- وفاة والدة زوج نسرين أمين وابنتها تطلب الدعاء لها
