هنأ المخرج أحمد ثروت والده الفنان محمد ثروت عبر حسابه بموقع تبادل الفيديوهات والصور «إنستجرام»، بعيد ميلاده.
نشر أحمد صوره تجمعه بعروسة ووالده محمد ثروت في حفل زفافه قائلا: اللي مريت بيه ف حياتي في ناس شايفاه أنه عمل بطولي بعزيمة قوية مني وقبله طبعاً توفيق من ربنا، لكن لا هو وراه أب عظيم كل شغله الشاغل أنه يوصلك بر الأمان بحب، من أول صحتك، تعليمك وكمان جوازك.
وأضاف أحمد ثروت: دي مش مجرد صورة حلوة.. دي صورة بتلخص دورك في حياة كل واحد في عيلتنا (صمام الأمان) اللي بيجد متعته في مساعدة اللي حواليه بحب لدرجة إنك ممكن تنسى نفسك.. اتعلمت منك كتير ويارب اعرف اتعلم منك أكون حتى ربع عظمتك.. على عكس الناس ما بتقول، أنا هقول "سأعيش في جلباب أبي".
واختتم: كل سنة وأنت طيب يا أحلى وأجدع صاحب وأب في الدنيا وربنا يديك الصحة وطولة العمر وتفضل منور حياتنا ودايما أنت بطل قصة كل واحد فينا.
