«بنحاسب الناس نحاسب نفسنا».. عدلي القيعي يهاجم وائل جمعة بعد أزمته مع عموتة

هاجم عدلي القيعي، مدير التعاقدات الأسبق بالنادي الأهلي، وائل جمعة، مدير الكرة بالفريق الأول لكرة القدم بالقلعة الحمراء، وذلك بعد انفعال المغربي الحسين عموتة، المدير الفني، عليه خلال مباراة القناة.كان عموتة، اعترض خلال مباراة القناة على تدخل وائل جمعة، في الأمور الفنية، مطالبًا إياه بالعودة إلى مقاعد البدلاء.وقال عدلي القيعي، لـ وائل جمعة في تصريحات عبر قناة "الأهلي": "دورك إيه؟ إشاعة الانضباط، تحقيق العدالة، إنك تخلي أوضة اللبس مكان صحي، واللعيبة تشعر إن فيه مسطرة واحدة في الثواب والعقاب للي يخرج عن دوره، من منظور الالتزام والإداري والانضباط".وأضاف: "أما الجوانب الفنية، مظنش إن كان فيه حد يجرؤ يناقش صالح سليم، لو تدخل في الكرة، مظنش إن كابتن حسن حمدي محتاج ياخد إذن حد لو تدخل في الجوانب الفنية، أو الكابتن الخطيب، ولكننا كنا نرى دائمًا كل واحد فيهم قاعد على الكرسي بتاعه، وحاطط الحد اللي ما يتجاوزوش ولا مرة".وتابع: "لو أنا وشوشت المدرب قدام اللعيبة، حاجة من اتنين، يا المدرب هيتجاهل رأيي، فدي حاجة مش كويسة عشاني، يا هيقولي من فضلك اقعد عالدكة، ودي مش حلوة عشاني برضه، لا عشاني ولا عشان الفرقة، يا إما هيسمع كلامي".وواصل: "طب لو سمع كلامي وخسرنا؟ بقت النصيحة اللي خسرتنا نصيحة مين؟ مدير الكورة اللي قالها له، لا، لازم أسيطر أنا عشان أدي الكتالوج للي بعديا".وأكمل: "الكابتن وائل جمعة مسؤول عن إخراج كوادر، هو بحسن نية طبعًا، أو الظرف دفعه، لكن لازم وإحنا بنحاسب الناس نحاسب نفسنا، نرجعها للصح".وأتم: "من فضلك يا كابتن وائل، أنا أعلم إنك تستطيع أن تدلي بدلوك في النواحي الفنية إذا سُئلت فيه خارج الملعب وبينك وبين الكوتش، لكن قدام الناس كل واحد يأدي وظيفته، لأن دي ليها معنى قد يترجم بشكل مختلف".