ياسمين عز للتجار: الدولار ركب الناقة وشرخ.. لو هتكسب 10 جنيه خليهم 8

قالت الإعلامية ياسمين عز إن الدولار "ركب الناقة وشرخ" ووصل إلى 55 جنيهًا لأول مرة، موضحة أن هناك حربًا وضغطًا على العملة وأموالًا ساخنة تخرج براء البلد، وأن محافظ البنك المركزي طمأن الناس وقال لهم "ما تقلقوش" وإن هناك مرونة في سعر الصرف.

وأضافت عز خلال برنامجها "كلام الناس" عبر فضائية "إم بي سي مصر"، أن "المشكلة في المواطن الغلبان الحيران الزهان"، لأنه لما الدولار بيزيد، الراجل اللي بيبيع جرجير أو فجل بيعلّي السعر ويقول "أصل الدولار زاد"، حتى لو كان بيبيع حاجة ملاش علاقة بالدولار ومنتج محلي.

ووجهت نداءً للتجار: "يا جماعة ما صدقنا إن سعر البنزين ثبت عشان الأسعار ما تزيدش فاصبروا وما تزودوش الأسعار"، مؤكدة أن التجار كسبوا كثيرًا، وأن هذا ارتفاع مؤقت في الدولار، فبلاش يتلككوا على التكة ويرفعوا الأسعار على الراجل الغلبان.

وتابعت: "ولما الدولار ينزل تقول معلش أصلي اشترينا والدولار كان غالي فلازم نكمل نبعه في الغالي"، متسائلة: "فأنت لا راحم وهو غالي ولا بعد ما يرخص، مين المتحمل ده؟ المتحمل ده المواطن الغلبان"، داعية إلى شوية رحمة ومروقة وجدعنة من التجار، لأن المواطن هو اللي مشغلهم وفتح بيوتهم وتجارتهم.

وشددت ياسمين عز على أن "الكبير يعطف على الصغير والغني يعطف على الفقير والتاجر يرقف بالمواطن"، موجهة نصيحة للتجار: "لو النهاردة هتكسب 10جنيه خليهم 8، ما انتش خسران، خليهم خمسة، مش لازم تاخد ربحك كله، بس في الظروف دي مرة ليك ومرة عليك، وبنسميها تجارة مع الله".